‘नेपाल आइडल सिजन-४’ को डिजिटल अडिसन सुरु

काठमाडौं । सांगीतिक रियालिटी शो ‘नेपाल आइडल सिजन-४’ को डिजिटल अडिसन सुरु भएको छ ।

भदौ १ गते ९मंगलबार० देखि ‘सिजन-४’ को डिजिटल अडिसन सुरु भएको हो । पहिलो चरणको अडिसन भदौ ३१ सम्म सञ्चालन हुने जनाइएको छ ।

अडिसन दिन मोबाइल फोनको ‘प्ले स्टोर’मा रहेको एपिवानको एप्लिकेसन डाउनलोड गरी अडिसन दिन सकिने कार्यक्रम निर्माण पक्षले बताएको छ । एपको अडिसन ओपनमा गएर नेपाल आइडल क्लिक गरेर मागिएको विवरण भर्नुपर्नेछ । र, आफ्नो स्वरमा दुईवटा फरक विधाका गीत रेकर्ड गरेर अपलोड गर्नुपर्नेछ ।

डिजिटल अडिसनमा पास भएकाहरुको फिजिकल अडिसन हुने जनाइएको छ । डिजिटल अडिशनमा जुनसुकै स्थानमा रहेका नेपालीले सहभागी हुन पाउनेछन् । ‘नेपाल आइडल सिजन-४’ मा निर्णायक को हुने निश्चित भइसकेको छैन ।