बुटवलको सडक सुधार गर्न माग गर्दै तरुण दलले बुझायो ज्ञापनपत्र

बुटवल । बुटवलको राजमार्ग चौराहा देखि गोलपार्क सम्मको बाटो यथासिघ निर्माणको माग गर्दे नेपाल तरुण दल बुटवल उपमहानगरपालिका समितिले सडक डिभिजन कार्यलय बुटवलमा ज्ञापन पत्र बुझाएको छ । नगर अध्यक्ष सुजन पुन र क्षेत्रीय अध्यक्ष हसन्त लामा लगायतको समुहले सडक डिभिजन कार्यालय पुगेर ज्ञापन पत्र बुझाएका हुन् । तरुण नेताहरुले सडक डिभिजन कार्यालयका प्रमुख जयलाल मरासीनीलाई ज्ञापन पत्र बुझाएका थिए ।

बुटवल उपमहानगरपालिकाको मुख्य राजमार्गकारुपमा रहेको चौराहा देखी गोलपार्क सम्म तथा देविनगर लगायतको बाटोमा लामो समयदेखी खाल्टाखुल्टी हुनुका साथै सडकमा पानी जमेका कारण यात्रीहरुले सास्ती व्यहोर्नु परेको ज्ञापनपत्रमा उल्लेख गरिएको छ । खाल्टा खुल्टीले गर्दा यातायात आवत जावतमा कठिनाई मात्र नभइ सडक दुर्घटना समेत निम्त्याएको यथाशिघ्र मर्मतका लागि माग गरिएको छ ।