मन्त्रालय भागवण्डा मिलाउन सत्तारुढ गठबन्धन छलफलमा

खबर कुरा
१५ भाद्र २०७८, मंगलवार
                 

काठमाडौं । सत्तारुढ पाँच दलका शीर्ष नेताको बैठक आज पनि बसेको छ ।

प्रधानमन्त्री निवास बालुवाटारमा मंगलबार बिहानदेखि बसेको बैठकमा मन्त्रिपरिषद्लाई पूर्णता दिने विषयमा नै छलफल भएको छ । बैठकमा गठबन्धनका दलहरुबीच मन्त्रालय बाँडफाँट गर्ने विषयमा छलफल भैरहेको छ ।

प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल र जनता समाजवादी पार्टी जसपाका अध्यक्ष उपेन्द्र यादव बैठकमा सहभागी छन् । गठबन्धनका शीर्ष नेताको बैठकबाट मन्त्रालय बाँडफाँट गर्ने विषयमा यसअघि नै सहमति भएको थियो ।

पाँच दलमा रहेको राष्ट्रिय जनमोर्चाले सरकारमा सहभागी नहुने निर्णय गरिसकेको छ । बाँकी चार दलले कति मन्त्राललय पाउने र कुन कुन मन्त्रालय पाउने भन्ने विषयमा अहिलेसम्म सहमति हुन सकेको छैन । शीर्ष नेताहरुले भागवण्डामा सहमति गरेपछि मात्र दलहरुले आआफ्नो पार्टीबाट मन्त्री बनाउने नेताको नाम टुंग्याउनेछन् ।

असार २९ गते नियुक्त भएका प्रधानमन्त्री देउवाले ५० दिन वितिसक्दा पनि मन्त्रिपरिषद्लाई पूर्णता दिन नसक्दा चारैतिरबाट आलोचना सुरु भएको छ ।

 

 

यसमा तपाइको मत

Your email address will not be published. Required fields are marked *


*