काठमाडौं । नेकपा माओवादी केन्द्रको युवा संगठन योङ कम्युनिष्ट लिग वाईसीएलले नेतृत्व चयन गर्न असफल भएपछि २३१ सदस्यीय केन्द्रीय समिति मात्र घोषणा गरेको छ ।
नेतृत्का आकांक्षीबीच विवाद भएपछि वाईसीएलले अध्यक्षसहित पदाधिकारी चयन गर्न असफल भएको हो । राजधानीमा तीन दिनदेखि जारी भर्चुअल राष्ट्रिय भेलामार्फत वाईसीएलले नयाँ नेतृत्व चयन गर्नुपर्ने थियो । अब, अध्यक्षसहितका पदाधिकारीको चयन गर्ने जिम्मेवारी नयाँ केन्द्रीय समितिलाई नै दिइएको छ । २३१ जना मध्ये विधानअनुसार २३ जना पछि मनोनयन हुनेछन् ।
सम्मेलनमा सहभागी युवाले नेतृत्व छान्न नसकेपछि पार्टी केन्द्रले हस्तक्षेप गरेको थियो । तर, माओवादी नेतृत्वले समेत संगठनको नेतृत्व चयन गर्न नसक्दा बाँकी पदाधिकारी र केन्द्रीय समिति पनि चयन हुन सकेको छैन । जसका कारण बन्द समेत सत्र लम्बिएको थियो ।
वाईसीएलको नयाँ अध्यक्षमा हालका उपाध्यक्ष सुमन देवकोटा, महासचिव सुवोध शेर्पाली र यशोदा न्यौपाने प्रतिस्पर्धामा रहेका छन् । यी मध्ये एक जनालाई छान्न नसकेपछि माओवादी केन्द्रको स्थायी समिति बैठकले नेतृत्व छान्ने जिम्मा अध्यक्ष प्रचण्डलाई दिएको थियो ।
वाईसीएलका हालका अध्यक्ष रामप्रसाद सापकोटा दीपशिखा ४० वर्षे उमेरहदका कारण विदा हुँदैछन् । पार्टीका केन्द्रीय सदस्य समेत रहेका उनलाई फ्रयाक्सन इन्चार्ज बनाइएको छ ।
प्रतिक्रिया