बनेपा । आइतबार रातिदेखिको अबिरल वर्षाका कारण बनेपा बजार फेरि डुबानमा परेको छ ।
बनेपा बजारको बीचोबीचबाट बहने पुण्यमाता खोलामा आएको बाढीका कारण स्थानीय पुलबजार क्षेत्र डुबानमा परेको हो ।
बाढी अरनीको राजमार्गमै आइपुगेपछि यातायात समेत अवरुद्ध भएको छ । पुलबजार क्षेत्रका घरको तल्लो तला डुबानमा परेका छन् ।
हालसम्म कुनै मानवीय क्षति नभए पनि बजार क्षेत्रका पसलमा बाढी पस्दा व्यापारीको लाखौं सामानमा क्षति पुगेको हुनसक्ने जिल्ला प्रहरी कार्यालय काभ्रेले जनाएको छ ।
खोलाको प्राकृतिक बहावअतिक्रमण भएका कारण बनेपा बजार वर्षेनी डुवानमा पर्दै आएको छ ।
अत्याधिक वर्षाका कारण काभ्रेका अन्य खोलामा पनि पानीको सतह बढेको छ ।
तस्विर रासस
प्रतिक्रिया