धनगढी । सुदुरपश्चिम प्रदेशमा रहेका जनता समाजवादी पार्टी (जसपा)का सांसद दुईतिर विभाजित भएका छन् ।
प्रदेशसभामा जसपा संसदीय दलका नेता कृष्णबहादुर चौधरी महन्थ ठाकुर नेतृत्वको लोकतान्त्रिक समजवादी पार्टी (लोसपा)मा प्रवेश गरेका छन् ।
चौधरीले धनगढीस्थित निर्वाचन आयोगको कार्यालयमा पुगेर लोसमा रहेको सनाखत गरेका छन् । विगतमा राष्ट्रिय जनता पार्टीबाट चौधरीले कैलाली क्षेत्र नं. १ (क)बाट विजयी भएका थिए ।
अर्का सांसद मलामती कुमारी राना भने जसपामै रहने निर्णय गरेकी छिन् । राना पनि विगतमा राजपाबाटै निर्वाचित भएकी थिइन ।
एमाले र जसपाका प्रदेश एवं स्थानीय तहका जनप्रतिनिधिलाई आजसम्म दल रोज्न पाउने सुविधा रहेको छ ।
प्रतिक्रिया