नेपाली सेनामा ४६४ विभिन्न पदका लागि जागिर खुल्यो

काठमाडौं । नेपाली सेनाले सेनाका विभिन्न ट्रेडका प्राविधिक पदिक तथा बिल्लादार, अमल्दार कर्मचारी र पुजारी हुद्दा पदहरुको लािग दरखास्त आह्वान गरेको छ । सेनाको भर्ना छनौट निर्देशनालय अन्तरगत कार्यरथी विभाग जंगी अड्डाले सो पदहरुका लागि दरखास्त आह्वान गरेको हो ।

नेपाली सेनाको भर्ना छनौट निर्देशनालय अन्तरगत कार्यरथी विभाग जंगी अड्डाले सूचना जारी गर्दै उल्लेखित पदहरुमा काम गर्न चाहने नेपाली नागरिकहरुले भाद्र ३१ बाट असोज ३१ सम्म र दोब्बर दस्तुर दिएर असोज ७ गते सम्म दरखास्त दिन सक्ने जनाईएको छ । दरखास्त फारम लिन र बुझाउन भने नेपाली सेनाको काठमाडौंको नारायणहिटी स्थित श्री नेपाल क्याभल्रीको उत्तर तर्फको खेल मैदानमा पुग्नु पर्ने सूचनामा उल्लेख छ । सेनाले दरखास्त पेश गरेका उम्मेदवारहरुलाई असोज १० गते परीक्षा लिने मिति समेत तोकेको छ ।