बुटवल । तीज गीत ‘चरी जेलैमा’बाट अपार सफलता पाएकी चर्चित लोकप्रिय गायिका बिष्णु माझीको नयाँ गीत सार्वजनिक भएको छ ।
यथार्थको जिन्दगी नामक गीतलाइ प्रसाद डिजिटलले बजारमा ल्याएको छ । शिव सुबेदीको शव्द, प्रसाद लामिछानेको लय तथा संगीतमा बिक्रम परियार र बिष्णु माझीको आवाजमा सजिएको यो गीतले यथार्थको जिन्दगी बोलेको शव्द संकलक तथा सर्जक शिव सुबेदीले बताए ।
मारुनी डिजिटल स्टुडियोमा रेकर्ड गरिएको सो गीतमा कृष्ण भान्जाको एरेन्ज, सुमन रानाको रेकर्डिङ्ग, कुमार रानाको अडियो सम्पादन र खुमन रानाको स्टुडियो ब्यबस्थापन रहेको छ ।
माझीको चरी जेलैमाको अपार सफलतापछि दर्शकलाई तीज भन्दा बेग्लै परिवेशको स्वाद चखाउन जादुमय स्वरकी धनि बिष्णु माझी सो गीत मार्फत दर्शक सामु आएको सर्जक शिव सुबेदीले बताए ।
बिक्रम परियाको समेत स्वर रहेको गीतलाइ दर्शकले सार्वजनिक भएकै दिनमा निक्कै रुचाएका छन ।
तीज लगत्तै रमाइलो पर्व बीच शुक्रबार सार्वजनिक गरिएको गीतमा शिव सुबेदीले मर्मस्पर्शी शब्दलाई कर्णप्रिय बनाउन बिष्णु माझी रोजेको बताउछन । बिनोद भण्डारीको निर्देशनमा तयार भएको गीतको आकर्षक भिडियोमा दिपक गिरीले क्यामेरा चलाएका छन् भने सम्पादन अमृत चापागाईंले गरेका छन ।
आशा खड्का र कमल अर्यालको मुख्य भूमिका रहेको म्युजिक भिडियोलाई प्रसाद लामिछानेको युट्युब च्यानल मार्फत सार्बजनिक गरिएको छ ।
भिडियो
प्रतिक्रिया