काठमाडौं । नवगठित नेपाल कम्युनिष्ट पार्टी (एकीकृत समाजवादी) को पहिलो केन्द्रीय समिति बैठक आज बस्न लागेको छ ।
करिब एक महिना अगाडि नेपाल कम्युनिष्ट पार्टी (एमाले) बाट नेता माधवकुमार नेपालको नेतृत्वमा अलग भएको समूहले स्थापना गरेको उक्त पार्टीको पहिलो पटक केन्द्रीय समिति बैठक बस्न लागेको हो । क्वालिटी ब्यांकेट बुद्धनगरमा बैठक बस्ने प्रवक्ता जगन्नाथ खतिवडाले जानकारी दिए ।
एक महिनाअघि नेकपा ९एमाले० विभाजन भएर एकीकृत समाजवादी गठन भएको थियो । माधवकुमार नेपालको नेतृत्वमा गठिन एकीकृत समाजवादीको आज पहिलो केन्द्रीय समिति बैठक बोलाइएको हो ।
आज बस्ने केन्द्रीय समिति बैठकमा समसामयिक राजनीतिक विषयवस्तु, संगठन विस्तार लगायतका विषयमा छलफल हुने जनाइएको छ । पार्टीका विभिन्न विभाग, जनवर्गीय संगठन, सम्बन्धित आयोगका गठन, पुनः गठन, विस्तार तथा सुदृढीकरणका विषयमा पनि छलफल हुने जनाइएको छ ।
यससँगै बैठकले केही नेताको विभाग हेरफेर गर्ने केही नेतालाई नयाँ जिम्मेवारी तोक्न सक्ने एक नेताले बताए । एकीकृत समाजवादीको केन्द्रीय समिति बैठकमा ११३ केन्द्रीय सदस्य सहभागी हुनेछन ।
एकीकृत समाजवादीले ५५ जिल्लामा जिल्ला समिति गठन गरिसकेको छ । अन्य जिल्लामा पनि गठनको प्रक्रिया चलिरहेको छ ।
प्रतिक्रिया