काठमाडौं । संयुक्त राष्ट्र संघको ७६ औं महासभामा सहभागी भएर परराष्ट्रमन्त्री नारायण खड्का स्वदेश फर्किएका छन् ।
परराष्ट्रमन्त्रीमा नियुक्त भएलगत्तै खड्का यही असोज ६ गते न्यूयोर्क गएका थिए । त्यहाँबाट फर्केपछि त्रिभुवन अन्तराष्ट्रिय विमानस्थलमा संचारकर्मीसँग कुरा गर्दै खड्काले राष्ट्र संघको महासभामा कोभिड–१९, दिगो विकास, पृथ्वीको आधारभूत आवश्यकता, मानव अधिकारको रक्षाबारे छलफल भएको बताए । खड्काले महासभालाई सम्बोधन गर्दै कोभिड नियन्त्रणका लागि सबै देशका नागरिकलाई खोप, आतंकवादको अन्त्यबारे नेपालको धारणा राखेका थिए ।
खड्काले न्यूयोर्क बसाईको क्रममा भारत, मालदिभ्स, बंगलादेश, कुवेत लगायतका देशका समकक्षीहरुसँग छलफल गरेका थिए ।
खड्काले गैरआवासीय नेपाली संघले आयोजना गरेको कार्यक्रममा एमसीसी नेपालको प्राथमिकतापूर्ण परियोजना भएको बताएका थिए । उनले एमसीसी अमेरिकाले परिमार्जन नगर्ने भन्दै नेपालले अनुमोदन र कार्यान्वयन गर्नुपर्ने जिकिर गरेका थिए ।
प्रतिक्रिया