काठमाडौं । नेकपा माओवादी केन्द्र निकट अखिल क्रान्तिकारीको अध्यक्षमा पञ्चा सिंह चयन भएकी छिन् ।
काठमाडौंमा जारी अखिल क्रान्तिकारीको २२ औं राष्ट्रिय सम्मेलनमा पञ्चा सिंह र सुरेन्द्र बस्नेत मुख्य दाबेदार भएपनि पार्टी अध्यक्ष पुष्पकमल दाहाल प्रचण्डले पञ्चा सिंहलाई अध्यक्षमा चयन गर्ने निर्णय गरेका हुन् ।
सम्मेलन हलबाट नेतृत्व चयन हुन नसक्ने देखेपछि क्रान्तिकारीले पार्टी अध्यक्ष प्रचण्डलाई अध्यक्ष चयन गर्न आग्रह गरेका थियो । आज बिहान मात्रै क्रान्तिकारीका नेताहरुले अध्यक्ष प्रचण्डलाई भेटेर नेतृत्व चयनका विषयमा छलफल गरेका थिए । प्रचण्डले त्यहीँ पञ्चा सिंहलाई अध्यक्ष बनाउँदा अखिल क्रान्तिकारीकै इतिहासमा महिला नेतृत्व चयन हुने भन्दै पञ्चालाई अध्यक्ष तोकेका थिए ।
अब क्रान्तिकारीले नेतृत्वको घोषणा गर्दै राष्ट्रिय सम्मेलन समापनको घोषणा गर्नेछ ।
प्रतिक्रिया