काठमाडौं । आठौं महाधिवेशनमा ११७ मतले अध्यक्ष पदमा पराजित भएका एमाले अध्यक्ष केपी शर्मा ओलीले आफु हारेकै स्थानलाई दशौं महाधिवेशन स्थलकारुपमा तोकेका छन् । आज सम्पन्न एमालेको प्रथम विधान महाधिवेशनले १०औँ महाधिवेशन बुटवलमा गर्ने निर्णय गर्दै सम्पन्न भएको छ ।
गोदावरीमा चलेको तीन दिने प्रथम विधान महाधिवेशन समापन कार्यक्रममा बोल्दै अध्यक्ष ओलीले १०औँ महाधिवेशन बुटवलमा गर्ने घोषणा गरेका हुन् ।
केही कुराले असर नगरेमा १०औँ महाधिवेशन बुटवलमा गर्नेछौँ’, अध्यक्ष ओलीले भने ।
आज सम्पन्न विधान महाधिवेनले पार्टी केन्द्रीयक मिटीको तर्फबाट प्रस्तावित सांगठानिक संरचनालाई अस्विकार गर्दै केहि फेरबदल गरिदिएको छ । उपमहासचिव खारेज गर्ने, वरिष्ठ उपाध्यक्षको व्यावस्था नगर्ने प्रस्ताव गरिएकोमा महाधिवेशनले एक वरिष्ठसहित पाँच उपाध्यक्ष रहने गरी निर्णय गरेको छ । यसअघि, चार उपाध्यक्ष रहेकामा अब एक वरिष्ठ उपाध्यक्षसमेत थपेर पाँच उपाध्यक्ष रहने व्यवस्था प्रस्ताव गरिएको हो ।
यस्तै, एमालेमा उपमहासचिव पद नरहने प्रस्तावसहितको विधान मस्यौदा विधान महाधिवेशनमा पेस गरिएकोमा एमजना उपमहासचिव रहने निर्णय भएको छ ।
बुटवलमा २०६५ साल फागुन ५ देखि १४ गते सम्म चलेको आठौं महाधिवेशनमा ओली झलनाथ खनालसँग ११७ मतले पराजित भएका थिए ।
प्रतिक्रिया