काठमाडौं । परराष्ट्रमन्त्री डा. नारायण खड्काले अमेरिकी मिलेनियम च्यालेन्ज कर्पोरेसन ९एमसीसी० सम्झौता सबै दलको सहमतिबाट मात्र अघि बढाउने बताएका छन् ।
बुधबार बसेको संसदको अन्तर्राष्ट्रिय सम्बन्ध समितिको बैठकमा मन्त्री खड्काले दलहरुबीच सहमति भएपछि मात्रै एमसीसी सम्झौता अनुमोदनका लागि अघि बढाइने बताए । खड्काले यसबारे दलहरुको एकैस्वर हुनुपर्ने धारणा राखे । खड्काले राष्ट्रको हितमा भए तत्काल पास गरेर अघि बढ्नुपर्ने छैन भने अमेरिकालाई नेपालको हितमा नभएको प्रष्ट भन्नुपर्ने धारणा राखे ।
मन्त्री खड्काले भने, ‘हस्ताक्षर गर्नु पहिला किन अध्ययन गरेनौं ? यो सहमतिका क्रममा ७ वटा परराष्ट्रमन्त्री बनिसकेका छौं ।’ उनले कांग्रेस र माओवादीकै गठबन्धनको सरकार भएको बेलामा एमसीसी सम्झौतमा हस्ताक्षर भएको स्मरण गराए ।
आजै मात्र निजी क्षेत्रका तीन संगठन नेपाल उद्योग वाणिज्य महासंघ, नेपाल उद्योग परिसंघ र नेपाल चेम्बर अफ कमर्सले संयुक्त विज्ञप्ति जारी गर्दै एमसीसी सम्झौता तत्काल अघि बढाउन आग्रह गरेका छन् ।
प्रतिक्रिया