लुम्बिनी प्रदेश सरकारले ल्यायो नयाँ बजेट (पूर्णपाठ सहित) 

पूर्ववर्ती सरकारको बजेट प्रतिस्थापन गरेर समान अंकको बजेट सार्वजनिक
खबर कुरा
२० आश्विन २०७८, बुधबार
                 

बुटवल । शंकर पोखरेल नेतृत्वको सरकारलाई हटाएर बनेको कुल प्रसाद केसी नेतृत्वको लुम्बिनी प्रदेश सरकारले ४० अर्ब ९५ करोड ९७ लाख रुपैयाँको नयाँ बजेट प्रस्तुत गरेको छ । पूर्ववर्ती सरकारले ल्याएको बजेटलाई प्रतिस्थापन गर्दै वर्तमान सरकारले समान अंकको बजेट ल्याएको हो ।
आज बसेको प्रदेशसभाको बैठकमा सरकारका आर्थिक मामिला तथा सहकारी मन्त्री कृष्णध्वज खड्काले प्रतिस्थापन विधेयकमार्फत् नयाँ बजेट प्रस्तुत गरेका हुन् ।
नयाँ बजेटमा कूल बजेटमध्ये चालु खर्चतर्फ १३ अर्ब ६४ करोड ५७ लाख १० हजार रुपैयाँ र पूजीगत खर्चतर्फ २२ अर्ब ४७ करोड १५ लाख रुपैयाँ रहेको छ । प्रतिशतका आधारमा कुल बजेटको ३३.३१ प्रतिशत चालु खर्चतर्फ र ५४.८७ प्रतिशत पूजीगत खर्चतर्फ बिनियोजन गरिएको छ । त्यसबाहेक ११.८२ प्रतिशत अर्थात् ४ अर्ब ८४ करोड २३ लाख रुपैयाँ स्थानीय तहमा वित्तीय हस्तान्तरणका लागि विनियोजन गरिएको छ ।
मुख्यमन्त्री ग्रामीण विकास कार्यक्रम खारेज
शंकर पोखरेल नेतृत्वले ल्याएको मुख्यमन्त्री ग्रामीण विकास कार्यक्रम खारेज गरेर मुख्यमन्त्री शैक्षिक सुधार कार्यक्रम प्रस्ताव गरिएको छ । पूर्ववर्ती सरकारको कार्यक्रम प्रभावकारी नभएकाले खारेज गरिएको मन्त्री खड्काले बताए ।
एमालेको बहिस्कार
आफ्नो नेतृत्वको सरकार सत्ताबाट बाहिरिएसँगै लगातार संसद अवरुद्ध गर्दै आएको प्रतिपक्ष एमालेले आजको बजेट प्रस्तुतिलाई अवरोध नगरेर बहिस्कार मात्र गरेको छ । वर्तमान सरकार गठन भएदेखि नै अवरोध गर्दै आएको एमालेले आज भने संसदको बैठक बहिस्कार मात्र गरेको छ । आज १ बजे बसेको संसदको पहिलो बैठकमा भने एमाले सांसदहरुले नाराबाजी गरेको थिए ।
पार्टीले कारबाही गरेका सांसदद्वय बिमला वली र अजय शाहीलाई सभामुखले पदमुक्त नगर्दासम्म सदन चल्न नदिने अडान एमालेले लिएको छ ।
पूर्णपाठ सहित

यसमा तपाइको मत

Your email address will not be published. Required fields are marked *


*