प्रधानमन्त्री देउवाले गण्डकीलाई साक्षर प्रदेश घोषणा गर्दै 

खबर कुरा
२४ आश्विन २०७८, आईतवार
                 

पोखरा । प्रधानमन्त्री शेरबहादुर देउवाले गण्डकी प्रदेशलाई पूर्ण साक्षर प्रदेश घोषणा गर्दैछन् ।

प्रधानमन्त्री देउवाले पोखरामा आज गण्डकी प्रदेशको शिक्षा, संस्कृति, विज्ञान प्रविधि तथा सामाजिक विकास मन्त्रालयद्वारा आयोजित एक विषेश समारोहबीच साक्षर गण्डकी प्रदेश घोषणा गर्नेभएका हुन् ।

निर्धारित कार्यक्रमअनुसार देउवाले पोखरा आएलगत्तै पोखरा महानगरपालिका–९ नयाँबजारस्थित क्षेत्रीय सङ्ग्रहालय परिसरमा सो मन्त्रालयद्वारा निर्मित साक्षर गण्डकी प्रदेशको स्तम्भ अनावरण गर्नेछन् । यसपश्चात् पोखरा सभागृहमा साक्षर गण्डकी प्रदेश घोषणा समारोहको प्रमुख अतिथिका रुपमा सम्बोधन गर्ने कार्यक्रम रहेको मन्त्रालयका सचिव विनोदबहादुर कुँवरले जानकारी दिएका छन् ।

त्यसपछि नेपाली कांग्रेसका सभापति देउवा कांग्रेस पोखरा महानगरपालिका–१७ इकाइ समितिको आयोजना हुने विजयादशमी तथा दिपावली पर्वको शुभकामना आदानप्रदान कार्यक्रममा सहभागी हुने कार्यक्रम रहेको छ ।

यसमा तपाइको मत

Your email address will not be published. Required fields are marked *


*