रुपन्देहीको मोतिपुर घटनाका विषयमा बोल्यो गृह मन्त्रालय (विज्ञप्ति सहित)

खबर कुरा
२५ आश्विन २०७८, सोमबार
                 

काठमाडौं । निर्धारित कानुनी विधि र प्रक्रिया भन्दा बाहिर सरकारी वा सार्वजनिक जग्गा अतिक्रमण गर्न प्रयास गर्ने जो कोहीलाई पनि कानुन बमोजिम कारबाही हुने गृह मन्त्रालयले चेतावनी दिएको छ ।

मन्त्रालयका सहायक प्रवक्ता दिलकुमार तामाङले सोमबार एक प्रेस विज्ञप्ति जारी गदैं कसैको बहकाउमा परी गैरकानुनीरुपमा सरकारी जग्गा कब्जा गर्ने कार्यमा संलग्न नहुन नागरिकहरुलाई अनुरोध गरेको छ ।

विज्ञप्तिमा रुपन्देहीको मौतिपुर औद्योगिक क्षेत्रमा भएको घटनाप्रति दुःख व्यक्त गर्दै घाइतेहरुको शीघ्र स्वास्थ्य लाभको कामना समेत गरिएको छ । भूमिहीन तथा सुकुम्बासीको समस्या समाधान गर्न राष्ट्रिय भूमि आयोगले काम गरिरहेको र कसैको नाम छुटेको भए स्थानीय तहमार्फत दर्ता गराउन सकिने पनि मन्त्रालयले प्रकाशित गरेको विज्ञप्तिमा जनाइएको छ ।

 

 

 

यसमा तपाइको मत

Your email address will not be published. Required fields are marked *


*