मुगु । मुगुमा बस दुर्घटना हुँदा ठूलो संख्यामा मानवीय क्षति भएको छ ।
मुुगुको छायाँनाथ रारा नगरपालिका वडा नं. ७ मा यात्रुवाहक बस दुर्घटना हुँदा २२ जनाको मत्यु भएको छ ।
नेपालगन्जबाट गमगढी जाँदै गरेको भे १ ख ३१६७ नम्बरको बस छायानाथ रारा नगरपालिका–७ पिनाटपने खोलामा दुर्घटना भएको हो । बस क्षतविक्षत भएको छ ।
३९ जना रहेको बसमा १७ जना घाइते भएको प्रहरीले जनाएको छ । कतिपय घाइतेको अवस्था गम्भीर भएका कारण मृतकको संख्या बढ्नसक्ने अनुमान गरिएको छ ।
प्रहरीका अनुसार बस सडकबाट करिब २ सय मिटर तल खसेको छ ।
घटनास्थलबाट सशस्त्र प्रहरी, नेपाल प्रहरी र स्थानीय उद्दारकर्मीहरुले घाइतेको उद्दार गरिरहेका छन् भने मृतकको शव संकलन गरिरहेको कर्णाली प्रदेश प्रहरी कार्यालय सुर्खेतले जनाएको छ । घाइतेलाई उपचारका लागि अस्पताल लैजाने व्यवस्था मिलाउन लागिएको जिल्ला प्रहरी कार्यालय मुगुले जनाएको छ ।
प्रतिक्रिया