एलपीजी ग्याँस लिएर नेपाल भित्रने ट्याङकर फर्कँदा गाँजा बोकेर फर्कने गरेको खुलासा

वीरगञ्ज । वीरगञ्जमा नेपाल आउँदा एलपी ग्याँस बोकेर आउने र फर्केर जाँदा गाँजा बोकेर जाने गरेको रहश्य फेला परेको छ । पर्सा जिल्लाको वीरगञ्ज महानगरपालिका(२५ आइसिपि गेट नजिक रोकी राखेको भारतीय एनएल ०१ के ०७५४ नम्बरको ग्याँस बोक्ने ट्याङकरबाट करिब १ सय २० केजी नेपालमा अवैध मानिएको गाँजा फेला परेपछि गाँस बोक्ने ट्याङकर गाँजा बोकेर जाने गरेको रहश्य खुलेको हो । पर्सा प्रहरीले बुधबार दिउँसो ट्याङकरबाट गाँजा बरामद गरेको थियो ।

ट्याङकरमा लागूऔषध लुकाई राखेको भन्ने सूचनाको आधारमा जिल्ला प्रहरी कार्यालय पर्साबाट खटिएको प्रहरीले ट्याङकरबाट गाँजा बरामद गरेको थियो ।

प्रहरीले छापा मार्ने विषयमा गाँजाका तस्करीले पहिले नै थाहा पाएर ट्याङकर छाडेर भागेको हुन सक्ने प्रहरीले अनुमान गरेको छ । ट्याङकरको चेकजाँच गर्दा चालक समेत फरार रहेको प्रहरीले जनाएको छ । प्रहरीले फरार रहेका ट्याङ्कर चालकको खोजी गरिरहेको छ ।