सिरहामा इनारभित्र मृत अवस्थामा भेटिए युवक, प्रहरीबाट अनुसन्धान सुरु

खबर कुरा
३० आश्विन २०७८, शनिबार
                 

सिरहा । सिरहामा एक युवक इनारभित्र मृत अवस्थामा फेला परेका छन् ।

सिरहाको नरहा गाउपालिका वडा नं. ३ नयाँ चोक चोइवास्थित इनारमा ती युवकको शव फेला परेको हो । मृतक युवक गोलबजार नगरपालिका ८ बस्ने २० वर्षका शत्रुधन महतो रहेको प्रहरीले जनाएको छ । उनको शव शनिबार बिहान मृत अवस्थामा फेला परेको हो । महतो गए राति नयाँ चोक चोइवामा नाच हेर्न घरबाट निस्केका थिए ।

इनारमा डुबेको शव देखेपछि स्थानीय बासिन्दाले प्रहरीलाई खबर गरेका थिए । त्यसलगत्तै घटनास्थलमा पुगेको प्रहरीले शव इनारबाट निकालेर पोष्टमार्टम गराउने तयारी गरेको छ । घटनाबारे थप अनुसन्धान सुरु गरिसकिएको प्रहरीले जनाएको छ ।

गाउँमा नाच हेर्ने क्रममा युवाको दुई समुहबीच गएराति झगडा भएको स्थानीयले बताएका छन् ।

 

 

यसमा तपाइको मत

Your email address will not be published. Required fields are marked *


*