बर्दिया । प्रधानमन्त्री शेरबहादुर देउवाले कर्णाली नदीको बाढीबाट प्रभावितका लागि तत्काल राहतका कार्यक्रम सञ्चालन गर्ने बताएका छन् । बाढी प्रभावित क्षेत्रको निरीक्षणका लागि आज राजापुर पुगेका प्रधानमन्त्री देउवाले राजापुर र गेरुवा क्षेत्रका नागरिकका लागि तत्काल राहात कार्यक्रम सञ्चालन गर्ने बताएका हुन् ।
उनले बाढीबाट सबैभन्दा प्रभावित भएको यस क्षेत्रका नागरिकका लागि आफूहरुले तत्काल राहात र विशेष प्याकेजको कार्यक्रम ल्याउने जानकारी दिए ।
बाढी पीडित नागरिकहरुको अवस्था बुझ्न आफूहरु आएको र काठमाडौं पुगेपछि दीर्घकालीन कार्यक्रम र योजना बनाउने प्रधानमन्त्री देउवाको भनाई छ । देउवाले मन्त्री मण्डलको आकस्मिक वैठक बसी दीर्घकालिन योजना बनाएर कर्णाली नदी व्यवस्थापनको लागि स्थायी तटबन्ध बनाई पहल गर्ने पनि बताए ।
बाढीबाट मात्र नभई बन्यजन्तु बाट समेत मानवीय क्षती व्यहोरिरहेको बर्दियाका लागि छुट्टै विशेष कार्यक्रम ल्याउने उनले आश्वासन दिए ।
कैलालीको बाढी प्रभावित क्षेत्रको निरिक्षण पश्चात प्रधानमन्त्री देउवा सहित अर्थमन्त्री जनार्दन शर्मा, संस्कृति तथा नागरिक उड्यनमन्त्री प्रेमबहादुर आले लगायत राजापुर पुगेका थिए ।
प्रतिक्रिया