काठमाडौं । एमाले विवाद मिलाउन बनाईएको १० बुँदे कार्यन्वयन सहजिकरण गर्न बनाइएको कार्यदलबाट नेकपा एमालेका उपाध्यक्ष एवं कार्यदलका संयोजक भीम रावलले राजीनमा दिने घोषणा गरेका छन् । रावलले १० बुँदे सहमति कार्यान्वयन नभएको भन्दै राजीनामा दिने घोषणा गरेका हुन् ।
रावलले पार्टी अध्यक्ष केपी शर्मा ओलीले १० बुँदे सहमति कार्यान्वयन नगर्ने दिशामा अघि बढेको बताए । ‘कार्यदलमा भएको छलफल र पार्टीले गरेको निर्णयसमेत मान्य नहुने भएपछि त्यो कार्यदलमा बसिरहनुभएको कुनै औचित्य नहुने भएकाले राजीनामा दिएको हुँ’ बैठकपछि उपाध्यक्ष रावलले भने । राजीनामाको लिखित रुपमा पार्टी अध्यक्षलाई पठाउने उनले बताए ।
उनले १० बुँदे सहमति विपरित दुई केन्दीय सदस्य नियुक्त गरेको भन्दै असन्तुष्टी जनाएका छन् । यसबारे आफूले बैठकमा लिखित फक मत पनि राखेको उनको जानकारी दिए । उनले पार्टीको अन्तरपार्टी निर्देशन–१२ अनुसार पार्टी नेतृत्व अघि नबढेको भन्दै बैठकमा फरक मत राखेका छन् । ‘१० बुँदे कार्यान्वयनबारे केन्द्रीय कमिटीबाट निर्णय भएर अपानी–१२ जारी भयो, त्यसको कार्यान्वयन हुनुपर्छ भन्ने विषय मेरो हो’, उनले बैठकपछि सञ्चारकर्मीहरुसँग भने ।
उनले ५ पृष्ठ लामो लिखित फरक मत बैठकमा राखेको बैठकमा सहभागी एक नेताले बताए । रावलले प्रभु साहले भनेको भरमा सहमति र विधान विपरित केन्द्रीय सदस्य राख्नु विधिसम्मत निर्णय नभएको पनि बताए ।
प्रतिक्रिया