काठमाडौं । आगामी चैत्र ५ गतेभित्र स्थानीय तहको चुनाव गर्न निर्वाचन आयोगले सरकारसँग सिफारिस गरेको छ ।
सोमबार प्रधानमन्त्री शेरबहादुर देउवासँग भएको छलफलमा आयोगका पदाधिकारीहरुले चैत्र ५ गतेभित्र स्थानीय तहको चुनाव गर्न सिफारिस गरेका हुन् ।
स्थानीय तहको चुनाव दुई २०७४ बैशाख ३१, जेठ ३१ र असोज २ मा गरी तीन चरणमा भएको थियो । संविधानअनुसार कार्यकाल सकिएको ६ महिनाभित्र चुनाव गर्नुपर्ने रहेको छ । तर, निर्वाचनसम्बन्धी कानूनमा स्थानीय तह रिक्त हुनुभन्दा २ महिनाअघि नै चुनाव भैसक्नुपर्ने रहेको छ ।
यसैगरी आयोगले राष्ट्रिय सभामा रिक्त हुन लागेको १९ पदको लागि माघमा निर्वाचन गर्न सरकारलाई सुझाव दिएको छ ।
आयोग पदाधिकारीहरुको प्रस्ताव सुनेपछि प्रधानमन्त्री देउवाले चुनावबारे सरकारले उपयुक्त निर्णय गर्ने बताएका छन् । दलहरुसँग छलफल गरेर यसबारे निर्णय लिइने देउवाले बताए । प्रधानमन्त्री देउवाले राष्ट्रिय सभामा रिक्त हुन लागेको पदका लागि छिट्टै मिति तोक्ने बताएका छन् ।
प्रतिक्रिया