काठमाडौं । सोमबार देशभर कोरोना भाइरसका ७७६ जना नयाँ संक्रमित थपिएका छन् ।
१० हजार ८६४ जनामा गरिएको परीक्षणमा ७७६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । पीसीआर विधिबाट गरिएको परीक्षणबाट ६७३ जनामा संक्रमण पुष्टि भएको १०३ जना एन्टिजेन परीक्षणबाट संक्रमण पुष्टि भएको हो ।
पछिल्लो २४ घण्टामा ५०१ जना निको भएका छन् । यस्तै १३ जनाको मृत्यु भएको छ ।
सोमबारसम्म देशभर १० हजार ३६० सक्रिय संक्रमित रहेको मन्त्रालयले जनाएको छ ।
नेपालमा कोरोना संक्रमणबाट मुक्त हुनेको दर ९७ दशमलव ३ प्रतिशत रहेको छ ।
प्रतिक्रिया