नेपाल सम्वतमा विविध कार्यक्रम हुने

बुटवल । नेपाल सम्वत ११४२ को अवसरमा नेवाः समाज विकास परिषद, बुटवल रुपन्देहीले वृहत सचेतना मुलक साईकल रयाली गरि मनाउने भएको छ ।

शंखध्वर साख्वाले तत्कालिन समयमा आफै सम्पतिबाट किसानलाई ऋण मिनाहा गराएर जनतालाई स्वतन्त्र बनाएको दिनको रुपमा नेपाल सम्वत मनाईदै आएको छ ।

रुपन्देहीमा क्रियाशिल नेवा संस्थाहरुको आयोजनामा कार्तिक १९ गते गर्ने भएको संयुक्त बैठकले निर्णय गरेको हो । संयुक्त राष्ट्र संघमा नेपालको भाषा र सम्वतका रुपमा रन्जनालिपि र नेपाल सम्वत मान्यता पाएको हुदा पनि यो सबै नेपालीको साझा सम्वत भएको नेवा पुच, नेवा समाज विकास परिषदका अध्यक्ष काजीमान श्रेष्ठले बताए ।

नेवा सेवा समितिका अध्यक्ष चिरिन्जवी श्रेष्ठ, नेवा समाज अर्घाखाचीका अध्यक्ष बाबुराम श्रेष्ठ, हुमिन नेवा पुचका अध्यक्ष डिल्ली कुमार श्रेष्ठ, भिं द्य नेवा पुचका अध्यक्ष सृजना श्रेष्ठ, गणेश नेवा समाजका अध्यक्ष गुप्त बहादुर प्रधान, तिलोत्तमा नेवा मैजु खलका कोषाध्यक्ष यमुना श्रेष्ठ, पुचका सचिव लक्ष्मी श्रेष्ठले धर्म संस्कृतिको जर्गेनामा सबै एकतावद्ध भएर लाग्नुपर्ने बताए ।

कार्यक्रम आयोजनाका लागि ज्ञानी पोली टयाक र बाग्मती मोटरसाईकल सेन्टरले टिसर्ट सौजन्य भएको पुचका उपाध्यक्ष तथा कार्यक्रम संयोजक रबिन्द्र कक्षपतिले बताए ।

रुपन्देहीका आधा दर्जन साईकल क्लबहरुको सहकार्यमा हुने कार्यक्रममा नेवा पुच भवनबाट शुरु भएर बुटवल उपमहानगरपालिका, तिलोत्तमा नगरपालिका सहित नगर परिक्रमा गरेर पुल्चोक दुर्गा मन्दिरमा समापन गरिने उनले बताए ।