१५ चैत्र २०८०, बिहिबार | March 29, 2024

सेवा विस्तारमा आक्रामक फड्को मार्दै नेपाल वायुसेवा निगम



काठमाडौं । पछिल्लो समय आफ्नो अन्तर्राष्ट्रिय हवाई उडान सेवा विस्तारमा आक्रामक फड्को मार्दै अघि बढ्ने लक्ष्य लिएको मुलुकको राष्ट्रिय ध्वजावाहक नेपाल वायुसेवा निगमले छिटै विभिन्न १० अन्तर्राष्ट्रिय गन्तव्यमा थप उडान भर्ने भएको छ ।

संस्कृति, पर्यटन तथा नागरिक उड्डयनमन्त्री प्रेमबहादुर आले र निगमका कार्यकारी अध्यक्ष युवराज अधिकारीको सुझाव र सक्रियतामा निगमले अब छिट्टै संसारका विभिन्न १० वटा नयाँ गन्तव्यमा थप उडान भर्ने निर्णय गरेको हो ।

निगमका अनुसार आगामी केही दिनमा हाल काठमाडौं उडान भरिरहेको अन्तर्राष्ट्रिय वायुसेवा कम्पनी थाई एयरवेजसँगको सहकार्यमा काठमाडौं-बैंकक-सियोलदेखि काठमाडौं-बैंकक-सिड्नीसम्मको उडान भर्ने भएको हो । निगमले थाई एयरका साथै अन्य विभिन्न तीनवटा अन्तर्राष्ट्रिय वायुसेवा कम्पनीहरू अल निप्पोन एयरलाइसन्स, कुवेत एयरलाइसन्स र इमिरेट्स एयरलाइन्ससँग सहकार्य गरी आफ्नो अन्तर्राष्ट्रिय उडान विस्तारका लागि सम्झौता गरेको जानकारी दिएको छ ।

निगमका प्रवक्ता करिश्मा श्रेष्ठले यस्तो जानकारी गराएकी हुन् । उनले निगमले गरेको यस्तो निणर्यबाट अब १ अर्का वायुसेवाहरूको गन्तब्य रुटमा यात्रा गर्ने हवाई यात्रुहरूलाई सेवा प्रदान गर्न थप सहज हुने अपेक्षा गरिएको बताइन् ।

निगमले हालै सम्पन्न गरेका सम्झौताहरूबाट युरोपका विभिन्न सहरहरू, अस्टे«लियाको सिड्नी, दक्षिण कोरियाको सिओल, कुवेत र बहराइनमा यस प्रकारको सेवा प्रदान गर्न सकिने उनको भनाइ छ । उनले सकेसम्म कम ट्रान्जिट समय प्रयोग गरी भएको यस्तो सम्झौतामार्फत अब काठमाडौंबाट विभिन्न गन्तव्यमा यात्रा यर्ने यात्रुलाई थप सहजता हुने बताइन् ।

यसले आगामी दिनमा निगमलाई थप आयआर्जन हुनुको साथै अन्तर्राष्ट्रिय बजारमा निगमको शाख अभिवृद्धि हुने दाबी गर्दै निगमकी प्रवक्ता श्रेष्ठले भनिन, ‘निगमको केन्द्रीय कार्यालय तथा ट्राभल एजेन्सीहरूमार्फत अब यस प्रकारका टिकटहरू सहजै प्राप्त गर्न सकिनेछ ।’

यसैगरी, उनले यी १० वटा गन्तव्यहरूसँगै निगमले बिस्तारै आगामी दिनमा काठमाडौंबाट अमेरिकाका विभिन्न सहरहरूमा समेत यसप्रकारको सम्झौताबाट यात्रुहरूलाई सेवा प्रदान गर्न अन्य विभिन्न वायुसेवा कम्पनीहरूसँग समन्वय गरिरहेको पनि जानकारी गराइन्छ । आजको राजधानी दैनिकमा मधुजंग पाण्डेले यो समाचार लेखेका छन ।

प्रकाशित मिति : २६ कार्तिक २०७८, शुक्रबार  ६ : ५२ बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका