स्याङ्जामा ट्याक्टर दुर्घटना, एक जनाको मृत्यु अन्य एक घाइते

खबर कुरा
२९ कार्तिक २०७८, सोमबार
                 

स्याङ्जा । स्याङ्जामा ट्याक्टर दुर्घटना हुँदा एक जनाको मृत्युु भएको छ भने अन्य एकजना घाइते भएका छन् ।

गए राति करिब १०स्४० बजेको समयमा आँधीखोला गाउँपालिका वडा नम्बर ५ एकारायमा ग १ त ६४४० नम्बरको ट्याक्टर अचानक सडकको बायाँ साइडको नालामा पल्टिँदा उक्त दुर्घटना भएको जिल्ला प्रहरी कार्यलय स्याङ्जाका सूचना अधिकारी एवम् प्रबक्ता राजेन्द्रप्रसाद अधिकारीले जानकारी दिए ।

दुर्घटनामा परि सोही ट्याक्टरको टायरले च्यापिएर भानु नगरपालिका वडा नम्बर (५ का ३८ वर्षीय सन्तोष गुरुङको मृत्युु भएको सूचना अधिकारी एवम् प्रबक्ता राजेन्द्रप्रसाद अधिकारीले जानकारी बताए ।

जिल्ला प्रहरी कार्यलय स्याङ्जाका सूचना अधिकारी एवम् प्रबक्ता अधिकारीका अनुसार सोही दुर्घटनामा परि भानु नगरपालिका वडा ५ का रेशम गुरुङ घाइते भएका थिए। उनको स्याङ्जामा सामान्य उपचार पश्चात् थप उपचारका लागि मणिपाल शिक्षण अस्पताल पोखरा लगिएको छ। दुर्घटनाका सम्बन्धमा थप अनुसन्धान भैरहेको प्रहरीले जनाएको छ।

यसमा तपाइको मत

Your email address will not be published. Required fields are marked *


*