गोपालसिद्ध किरानाका सञ्चालक कृष्ण पोखरेल अबैध सामान सहित पक्राउ

खबर कुरा
२९ कार्तिक २०७८, सोमबार
                 

बुटवल । बुटवल क्षेत्रमा किराना व्यवसायमा सफल व्यवसायीको पहिचान बनाएको नेपालगन्ज रोडमा सञ्चालनमा रहेको गोपाल सिद्ध किराना स्टोर्सले गैरकानुनी काम गर्दै आएको खुलासा भएको छ । ग्रोसरी तथा किरानाको थोक ब्यापार गर्दै आएका गोपाल सिद्ध किराना स्टोर्सका संचालक कृष्ण प्रसाद पोखरेल अवैध कारोबार गरेको अभियोगमा पक्राउ परेसँगै गोपाल सिद्धको अबैध कारोबारको खुलासा भएको हो ।

पोखरेलको पसलबाट नेपाल सरकारले प्रतिबन्ध लगाएको ३ लाख मुल्य बराबरको भारतीय रेडबुल प्रहरीले बरामद गरेको छ । गोपाल सिद्धको गोदाममा लुकाई छिपाई राखिएको ११७ कार्टुन प्रतिबन्धित रेडबुल प्रहरीले बरामद गरेको जिल्ला प्रहरी कार्यालय रुपन्देहीले जनाएको छ । विशेष सूचनाका आधारमा इलाका प्रहरी कार्यालय बुटवल र वडा प्रहरी कार्यालय बुटवल समेतको संयुक्त टोलीले पोखरेलको पसलमा छापा मार्दा सो परिमाणको प्रतिबन्धित रेडबुल फेला परेको रुपन्देही प्रहरीका निमित्त प्रवक्ता प्रहरी निरिक्षक भास्कर चन्दले बताए ।

अबैध भारतीय रेडबुल सहित संचालक पोखरेललाई आवश्यक कारवाहीका लागि भन्सार कार्यालय बेलहिया चलान गरिएको प्रहरीले जनाएको छ ।

 

यसमा तपाइको मत

Your email address will not be published. Required fields are marked *


*