प्रदेश-१ का मुख्यमन्त्री राईले आज विश्वासको मत लिँदै

खबर कुरा
१ मंसिर २०७८, बुधबार
                 

काठमाडौं । प्रदेश १ का मुख्यमन्त्री राजेन्द्र राईले आज प्रदेश सभामा विश्वासको मत लिने भएका छन ।

मंगलबार नै विश्वासको मत लिने तयारी गरिएको थियो । तर प्रमुख प्रतिपक्षी दलका सांसद उपस्थित नभएपछि बैठक स्थगित भएको थियो ।

आज बिहान ११ बजे प्रदेश सभा बैठक बोलाइएको छ । आजको बैठकमा विश्वासको मत लिने तयारी गरिएको छ ।

पाँच दलीय गठबन्धनको समर्थनमा उनी कात्तिक १६ गते मुख्यमन्त्री नियुक्त भएका थिए । उनले विश्वासको मतका लागि आइतबार प्रदेशसभामा प्रस्ताव दर्ता गराएका थिए ।

पाँच दलीय गठबन्धनमा ५० सांसद छन् । त्यसैले मुख्यमन्त्री राईले विश्वासको मत प्राप्त गर्न सहज हुने देखिएको छ ।

९२ सदस्यीय प्रदेशसभामा विश्वासको मतका लागि ४६ सांसद आवश्यक पर्छ ।

यसमा तपाइको मत

Your email address will not be published. Required fields are marked *


*