रोल्पामा यात्रुवाहक बस दुर्घटना, ४ जनाको मृत्यु, ११ जना घाइते

लिवाङ । रोल्पामा यात्रुवाहक बस दुर्घटना हुँदा चार जनाको मृत्यु भएको छ । दाङको घोराहीबाट रोल्पाको थवाङका जाँदै गरेको ना ३ ख ५५१८ नम्बरको बस माडी गाउँपालिका २ मा दुर्घटना हुँदा ११ जना घाइते भएका छन् । ।

दुर्घटनामा चार जनाको घटनास्थलमै मृत्यु भएको र ११ जना घाइते भएको रोल्पा प्रहरीले जनाएको छ । बस शहिदमार्गअन्तर्गत माडी गाउँपालिका वडा नम्बर २ जलजलामा दुर्घटनामा परेको जिल्ला प्रहरी कायाएलय रोल्पाका प्रहरी प्रवक्ता प्रहरी निरीक्षक कृष्ण रानाले जानकारी दिए ।

बसमा सवार १८ देखि२० जना सवार रहेको अनुमान गरिएको छ । बस सडकदेखि १०० फिट तल खसेको छ ।