शहीद स्मारक ‘ए’ डिभिजन लिग : आज दुई खेल हुँदै

खबर कुरा
४ मंसिर २०७८, शनिबार
                 

काठमाडौं । शहीद स्मारक ‘ए’ डिभिजन लिग फुटबलमा आज शनिबार दुई खेल हुँदैछन् ।

पहिलो खेलमा हिमालयन शेर्पा क्लब र संकटा क्लबबीच हुनेछ भने दोस्रो खेल थ्रि स्टार र च्यासल युथ क्लबबीच हुँदैछ ।

हिमालयन शेर्पा र संकटाबीचको खेल त्रिपुरेश्वरस्थित दशरथ रंगशालामा दिउँसो १ बजे सुरु हुनेछ । हिमालयन शेर्पा विश्वास श्रेष्ठको कप्तानीमा मैदान उत्रनेछ । संकटाको कप्तानी रबि सिलवालले गर्ने छन् ।

थ्री स्टार र च्यासलबीचको खेल ४:४५ बजे सुरु हुनेछ । उपाधि दाबेदार थ्रि स्टार र च्यासल पहिलो खेलमा जित निकाल्दै सिजनको सुरूवात सुखद बनाउन चाहन्छन् ।

थ्री स्टार बिक्रम लामाको कप्तानीमा मैदान उत्रने छ भने च्यासलको कप्तानी बिराज महर्जनले गर्ने छन् । लिगमा ‘ए’ डिभिजनका १४ क्लबले प्रतिस्पर्धा गरिरहेका छन् ।

यसमा तपाइको मत

Your email address will not be published. Required fields are marked *


*