प्रदेश पर्यटन मन्त्री चौधरी निर्विरोध काँग्रेस महाधिवेशन प्रतिनिधि

खबर कुरा
६ मंसिर २०७८, सोमबार
                 

दाङ । नेपाली काँग्रेसको १४ औ महाधिवेशन प्रतिनिधिमा दाङ निर्वाचन क्षेत्र नम्बर ३ बाट लुम्बिनी प्रदेश सरकारका पर्यटन, ग्रामीण तथा सहरी विकास मन्त्री डिल्ली बहादुर चौधरी निर्विरोध निर्वाचित भएका छन् ।

थारु कोटाबाट उम्मेदवार बनेका चौधरीको मात्रै उम्मेदवारी परेपछि उनी महाधिवेशन प्रतिनिधिमा निर्विरोध निर्वाचित भएका हुन् । त्यस्तै थारु महिना कोटाबाट कल्पना चौधरी निर्विरोध निर्वाचित भएकी छन् । क्षेत्र नम्बर ३ मा एक सयभन्दा बढी थारु प्रतिनिधि चुनिएका छन् ।

त्यसै गरेर ऊर्जा जलस्रोत तथा सिँचाई राज्य मन्त्री अर्जुनकुमार श्रेष्ठ आदिवासी जनजातिको कोटाबाट महाधिवेशन प्रतिनिधि चुनिएका छन् । उनी पनि निर्विरोध निर्वाचित भएका हुन् ।

त्यसै गरेर आदिवासी जनजाति कोटाबाट नै नेपाली कांग्रेस दाङका कोषाध्यक्ष सावित्रा राना पनि निर्विरोध निर्वाचित भएकी छन् । दाङमा अन्य सबै पदमा भने निर्वाचन हुने भएको छ ।

यसमा तपाइको मत

Your email address will not be published. Required fields are marked *


*