काठमाडौं । नेकपा एमालेले १० औं महाधिवेशनको बन्द सत्र सञ्चालनका लागि अध्यक्ष मण्डल र माइन्युट कमिटी गठन गरेको छ । आज (मंगलबार) बसेको स्थायी कमिटी बैठकले अध्यक्ष मण्डल सहित माइन्युट कमिटी गठन गरेको हो ।
बैठकले कमिटीको अध्यक्ष मण्डलमा केपी शर्मा ओली, युवराज ज्ञवाली, अष्टलक्ष्मी शाक्य, भीमबहादुर रावल, ईश्वर पोखरेल, सुवास नेम्वाङ, रामबहादुर थापा बादल, टोपबहादुर रायमाझी, छविलाल विश्वकर्मा, लालबाबु पण्डित र गोमा देवकोटा रहेका छन् ।
यस्तै माइन्युट कमिटीमा पृथ्वीसुब्बा गुरुङ, सूर्य थापा, विष्णु रिजाल, मनोज थापा, ठाकुर गैरे, गोविन्द नेपाली र ज्वाला कुमारी साह रहेका छन् । एमाले महाधिवेशन यही मंसिर १० देखि १२ सम्म चितवनमा आयोजना हुँदैछ ।
महाधिवेशनको बन्दसत्र सुरु भएसँगै वर्तमान कमिटी भङ्ग भएर अध्यक्ष मण्डलको अध्यक्षतामा निर्वाचन प्रक्रिया सुरु हुने बताइएको छ ।
प्रतिक्रिया