१६ चैत्र २०८०, शुक्रबार | March 29, 2024

बिहीबारदेखि ‘एसिया सेल्टर फोरमको बार्षिक सम्मेलन’



काठमाडौं । आवास तथा बस्तीसम्बन्धी क्षेत्रीय सिकाइ एवं सहकार्यका लागि तेस्रो ‘एसिया सेल्टर फोरमको वार्षिक सम्मेलन’ विहीबारदेखि ललितपुरमा सुरु हुने भएको छ ।

गृह मन्त्रालय तथा यसको मातहत रहेको राष्ट्रिय विपद् जोखिम न्यूनीकरण तथा व्यवस्थापन प्राधिकरण र सहरी विकास मन्त्रालयको नेतृत्वमा एसिया सेल्टर फोरमको प्राविधिक तथा आर्थिक सहयोगमा उक्त सम्मेलन गर्न लागिएको हो ।

यही सङ्सिर ११ गतेसम्म चल्ने सम्मेलनमा अन्तर्राष्ट्रिय रूपमा विपद्को पुनर्निर्माण तथा पुनस्र्थापनका सम्बन्धमा भए गरेका कार्यहरू सिकाइ एवं अनुभव आदानप्रदान हुने प्राधिकरणका प्रवक्ता डा. डिजन भट्टराईले जानकारी दिए ।

उक्त सम्मेलनमा सरकार, राष्ट्रिय तथा अन्तर्राष्ट्रिय गैरसरकारी संस्था तथा समुदायमा आधारित संस्थामार्फत सहकार्य र सञ्जाल विस्तार गरी जोखिम वर्गमा रहेका घरधुरीका लागि सुरक्षित आवास निर्माणका उपाय पहिचान गरिनेछ ।

यस्तै विभिन्न देशमा हालै भएका विपद्का घटनाबाट सिकिएका पाठ र अनुभवबारे छलफल गरी निष्कर्ष निकाल्ने आवास पुनर्निर्माण तथा पुनस्र्थापना मञ्च नेपालका राष्ट्रिय संयोजक मिनार थापा मगरले जानकारी दिए ।

सम्मेलनमा आवास तथा बस्तीसँग सम्बन्धित राम्रा अभ्यास, सिकाइ, तथा चुनौती एवं नेपालले कार्यान्वयनमा ल्याएका कायक्रमका विषयमा समेत छलफल हुनेछ । सम्मेलनका सबै सत्रमा विगतमा प्राप्त अनुभवको अभिलेखीकरण गर्नाका साथै नेपालमा आवास निर्माणसम्बन्धी हासिल गरेका अभ्यासलाई सुदृढीकरण गर्न बनाइने भावी रणनीतिका विषयमा समेत छलफल हुनेछ ।

सम्मेलनको दोस्रो दिन शुक्रबार प्रस्तुतीकरण, समूहगत छलफल, घटना अध्ययन, खुलासत्रमार्फत आवास तथा बस्तीसँग केन्द्रित प्राविधिक सत्रहरू आयोजना हुनेछ । यसले सरकारलाई आवास तथा बसोबासमा लगानी वृद्धि गर्न पैरवी गर्ने विश्वास लिइएको छ । एसिया प्रशान्त क्षेत्रमा आवाससम्बन्धी अध्ययन गर्ने अध्यता तथा सङ्घसंस्थालाई एक ठाउँमा ल्याई सञ्जाल स्थापना गर्न सहयोग पुग्ने आशा आयोजकको छ ।

उक्त सम्मेलनमा इन्डोनेसिया, बङ्गलादेश, भियतनामका साथै विभिन्न देशमा विपद्पछिको आवास व्यवस्थापनसम्बन्धी काम गर्ने संस्थाका गरी ३० जना विदेशी प्रतिनिधिसहित २०० जनाको प्रत्यक्ष उपस्थिति रहने र भर्चुअल विधिबाट ४०० जना सहभागी रहने जनाइएको छ ।

उक्त सम्मेलनको आयोजक समितिमा सिआरएस नेपाल, अन्तर्राष्ट्रिय रेडक्रम महाङ्घ, अन्तर्राष्ट्रिय आप्रवासन सङ्गठन, राष्ट्रिय इन्जिनियर सङ्घ, ह्याबिट्याट फर ह्युम्यानिटी इन्टरनेसनल, केयर नेपाल, गैरसरकारी संस्था महासङ्घ, आवास पुनस्र्थापना तथा पुनर्निर्माण समन्वय मञ्च रहेका छन् ।

प्रकाशित मिति : ८ मंसिर २०७८, बुधबार  ४ : ५९ बजे

कपनबाट पेस्तोलसहित एकजना पक्राउ

काठमाडौं । नेपाल प्रहरीले कपन क्षेत्रबाट पेस्तोलसहित एकजनालाई पक्राउ गरेको

भारतमा ट्याक्सी दुर्घटना हुँदा दशको मृत्यु

भारत । भारतको जम्मु र श्रीनगर राष्ट्रिय राजमार्गमा पर्ने गहिरो

राष्ट्रपति पौडेलद्वारा अनुगमन तथा मुल्यांकन विधेयक प्रमाणीकरण

काठमाडौं । राष्ट्रपति रामचन्द्र पौडेलले अनुगमन तथा मुल्यांकन गर्न बनेको

आयरल्याण्ड वोल्भ्सले नेपाल ‘ए’ लाई दियो २२३ रनको लक्ष्य

काठमाडौं । आयरल्याण्ड वोल्भ्सले नेपाल ‘ए’ लाई २२३ रनको लक्ष्य

आगामी नीति तथा कार्यक्रम र बजेट जनमुखी हुन्छ : प्रधानमन्त्री प्रचण्ड

हेटौंडा । प्रधानमन्त्री पुष्पकमल दाहाल ‘प्रचण्ड’ले आगामी आर्थिक वर्षको नीति