चितवन । एमालेको १०औँ महाधिवेशनको उदघाटन हुने अघिल्लो दिन एमाले अध्यक्ष केपी ओली महाधिवेशन स्थल चितवल पुगेका छन् । महाधिवेशनमा सहभागी हुने क्रममा अध्यक्ष ओली शुक्रबार दिउँसो चितवन आइपुगेका हुन् ।
बुद्ध एयरको विमानबाट भरतपुर विमानस्थल उत्रिएका ओलीसँगै ओलीपत्नी राधिका शाक्य, एमाले नेताहरु सुवास नेम्वाङ, गोकर्ण विष्टसहितका नेता पनि बिहिबार नै चितवन पुगेका छन् । विमानस्थलमा अवतरण लगत्तै ओली महाधिवेशनको बन्दसत्र स्थल सौराहा तर्फ लागेको एमाले चितवनकाएक नेताले बताए । ओलीलाई सौराहामा नै बस्ने व्यवस्था मिलाइएको छ ।
शुक्रबार नारायणी नदी किनारमा उद्घाटन कार्यक्रम हुनेछ भने बन्द सत्र सौराहामा हुनेछ । उदघाटनसत्रका लागि नारायणी किनारमा बन्दै गरेको मञ्च तथा अन्य निर्माणको काम ८० प्रतिशत सकिएको एमालेले जनाएको छ ।
एमालेको १०औँ महाधिवेशन १०–१२ मंसिरमा चितवनमा हुँदैछ ।
प्रतिक्रिया