चितवन । नेकपा एमालेको जारी महाधिवेशनमा प्यानल बनाएर चुनावी प्रतिस्पर्धा नगर्ने गरि गरिएको निर्णय संस्थापन पक्षबाटै उल्लँघन भएको छ । चितवनको सौराहस्थित होटल सेभेन स्टारमा बिहान ४ बजेबाट जारी मतदानमा एमाले अध्यक्ष ओलीले प्रस्ताव गरेका उम्मेदवार बाहेकका उम्मेदवारहरुका पक्षमा मत माग्दै संस्थापन पक्षले प्यानल बनाउन नपाईने निर्णयको उल्लंघन गरेको देखिएको हो ।
ओली निकटका नेताहरुले ओली लिष्टमा बागी उम्मेदवार बनेका उम्मेदवारहरुलाई मत नदिन छुट्टै पर्चा देखि सबै उम्मेदवारहरुको नाम भएको पर्चामा ओली लिष्ट बाहिरका उम्मेदवारको नाममा मत नदिने चिन्ह लगाएर प्रतिनिधिहरुको हात हातमा पु¥याएका थिए ।
अध्यक्ष ओली पक्षले कसलाई भोट हाल्ने र कसलाई नहाल्ने भनेर प्यानलसहितको सूची वितरण गरेको मतदनमा सहभागी एक प्रतिनिधिले बताए ।
त्यसैगरी निर्विरोध भएकालाई पनि भोट नहाल्न भनिएको छ । एमालेको महाधिवेशन अन्तरगत अहिले सौराहामा मतदान जारी छ।
प्रतिक्रिया