बुटवल । सञ्चारिका समूह रुपन्देहीको अध्यक्षमा दोस्रो पटक निरा गौतम (निरु) चयन भएकी छन् । आज रुपन्देहीको शँकरनगरमा सम्पन्न छैठौं अधिवेशनबाट गौतम ३ वर्षे कार्यकालका लागि अध्यक्षमा चयन भएकी हुन् ।
अधिवेशनले समूहको उपाध्यक्षमा मिना भट्टराई, महासचिवमा मिना पाण्डे (अस्मिना), सचिवमा पुजा पन्थी तथा कोषाध्यक्षमा कल्पना डुम्रे सर्बसम्मत चयन भएका छन् ।
बन्नसत्र सुरुहुनु पूर्व अधिवेशनको उदघाटन गर्दै लुम्बिनी प्रदेश सरकारका आन्तरिक मामिला तथा सञ्चार मन्त्री तिलकराम शर्माले लुम्बिनी प्रदेशको संचार विधेयक संचारमैत्री बन्ने बताए । मन्त्री शर्माले सञ्चारकर्मिहरुकै सल्लाहमा संचार विधेयक संचारमैत्री बनाउने प्रतिवद्धता जनाए ।
सञ्चार जगत सबैको आँखा भएकाले विधेयक सबैले प्रशंसा गर्ने गरी निर्माण हुने कुरामा सबै सञ्चारकर्मीहरु ढुक्क हुनका लागि समेत मन्त्री शर्माले आग्रह गरे ।
नेपाल पत्रकार महासंघ लुम्बनीका महासचिव बिक्रम खड्काले प्रदेश सभामा प्रस्तुत विधेयक फिर्ता हुनु पर्ने महासंघको अडान दोहो¥याए ।
सञ्चारिका समूहकी लुम्बिनी प्रदेश अध्यक्ष पार्वती पाण्डेले महिला पत्रकारहरुको क्षमता विकासका क्रियाकलापहरु सञ्चालन गर्दै आएको बताइन् ।
अधिवेशनले कार्यसमितिको सदस्यहरुमा सुशीला पोखरेल, प्रतिमा गौतम, मनु गुरुङ, तिर्सना सेञ्चुरी, सारदा शाही, विष्णु खत्री र सुमित्रा चापागाईं चयन गरेको छ ।
नवनिर्वाचिन समितिलाई सञ्चारिका समूह लुम्बिनीकी अध्यक्ष तथा निर्वाचन समिति संयोजक पार्वती पाण्डेले पद तथा गोपनियताको सपथ गराएकी थिइन् ।
नव निवाचित अध्यक्ष गौतमले सञ्चारिका समूहका लागि कम्तिमा ५ लाख बराबरको अक्षकोष स्थापना गर्ने तथा सञ्चारिकाहरुका लागि लेखनवृत्ति सञ्चालन गर्ने जानकारी दिइन् ।
प्रतिक्रिया