२६ बैशाख २०८१, बुधबार | May 8, 2024

बर्दियामा एक वर्षमा बालिका सहित ५३ जना महिला बलात्कृत



बर्दिया । बर्दियामा एक वर्षमा बालिका सहित ५३ जना महिलाहरु बलात्कृत भएको तथ्याङ्क सार्वजनिक भएको छ । सन् २०२१ को जनवरी देखि डिसेम्बर सम्म जिल्लामा ५३ जना बालिका तथा महिला बलात्कृत भएको तथ्याङ्क सार्वजनिक भएको हो ।

अनौपचारीक क्षेत्र सेवा केन्द्र (इन्सेक) बर्दियाले नेपाल मानवअधिकार वर्ष पुस्तकको सम्पादन पूर्व समिक्षा कार्यक्रममा सो तथ्याङ्क सार्वजनिक गरेको हो । बर्दिया जिल्लामा एक बर्षमा ३५ जना १८ बर्ष मुनिका बालिकामा बलात्कार र बलात्कारको प्रयास भएको तथ्याङ्कमा उल्लेखीत छ । त्यसैगरी १८ बर्ष भन्दा माथिका १८ जना महिलाहरु माथि बलात्कार भएको इन्सेक बर्दियाले जनाएको छ । गत बर्ष (सन् २०२०) को तुलनामा बलात्कारका घटनामा बृद्धि भएको हो । गत बर्षको तथ्याङ्कमा २६ जना बालिका माथि बलात्कार भएको थियो । भने १५ जना महिला बलात्कारको सिकार भएका थिए ।

कार्यक्रममा इन्सेक जिल्ला प्रतिनिधी मानवबहादुर चौधरीले सन २०२१ जनवरी देखि डिसेम्बरसम्म बर्दिया जिल्लामा घटेका मानवअधिकारसंग सम्बन्धीत घटना प्रस्तुत गरेका थिए । प्रस्तुत घटनाहरुमा महिला माथि दुरब्यवहार ३, बालविवाह ३, बहुविवाह १५, जातिय छुवाछुत २, बोक्सीको आरोप २, आत्महत्या दुरुत्साहन २, बालिका वेपत्ता १ गरी ८२ वटा घटनाको विवरण सार्वजनिक गरेका थिए । गत बर्ष (सन् २०२०मा ) ७० वटा मानवअधिकार उल्लघंनका घटना सार्वजनिक गरीएको थियो । इन्सेकले विगत २७ वर्ष देखि नेपालको सबै जिल्लामा मानवअधिकार उल्लघनका घटना अनुगमन तथा अभिलेख गरी हरेक वर्ष नेपाल मानवअधिकार वर्ष पुस्तकको रुपमा पुस्तक प्रकाशन गर्दै आएको छ ।

कार्यक्रमका सहभागीहरुले प्रहरीमा मुद्दा दर्ता नभएका घटनाहरुको पनि इन्सेकले खोजविन गरी अभिलेखिकरण गर्नुपर्ने सुझाव दिएका छन् । अझै पनि समाजमा जघन्य अपराधलाई ढाकछोप गर्ने र समुदाय मै मिलाउने गरीएको भेटिने गरेको उनीहरुको भनाई छ ।

प्रमुख जिल्ला अधिकारी सन्तबहादुर सुनारले राज्यले मानवअधिकार संरक्षणलाई पहिलो प्राथमिकतामा राखेर काम गर्ने जिम्मेवारी रहेको बताउँदै सोही अनुसार काम गर्दै आएको बताए । उनले मानिसलाई मानिस भएर बाँच्नलाई अबरोध गरिरहेको विषयलाई पनि इन्सेकले गम्भिरतापुर्वक उठाउनु पर्ने बताए ।

जिल्ला प्रहरी कार्यालय बर्दियाका प्रहरी प्रमुख प्रहरी उपरिक्षक ईश्वर कार्कीले प्रहरी जहिले पीडितको पक्षमा प्रेसरमा नरही स्वतन्त्र रुपमा काम गर्दै आएको बताए । उनले नेपाल प्रहरी समक्ष आएका घटना दवाव र प्रभाव भन्दा माथि उठेर कानुन अनुसार काम गर्दै आएको बताए ।

 

प्रकाशित मिति : १० पुस २०७८, शनिबार  ५ : २३ बजे

आयोजनाको बाँकी काम निर्धारित समयमै सम्पन्न होस् : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल ‘प्रचण्ड’ले सुनकोसी मरिन डाइभर्सन बहुउद्देश्यीय

बाँकेको फत्तेपुरका एक सय २६ घरमा स्वच्छ पेयजलको सुविधा

बाँके । बाँकेको राप्ती सोनारी गाउँपालिका-६ फत्तेपुरमा ‘एक घर, एक

खोटाङका सामुदायिक विद्यालयमा जीवनोपयोगी शिक्षा अभियान

खोटाङ । दिक्तेल रुपाकोट मझुवागढी नगरपालिकाले सामुदायिक विद्यालयमा ‘जीवनोपयोगी शिक्षा

सुहाङले आज सांसदको सपथ लिँदै

काठमाडौं । इलाम क्षेत्र नम्बर २ को उपनिर्वाचनबाट प्रतिनिधिसभा सदस्यमा

चौबिस दिनमा आगलागी, डढेलो र चट्याङबाट सत्ताइस जनाको मृत्यु

काठमाडौं । आगलागी, डढेलो र चट्याङबाट वैशाख महिनाको २४ दिनमा