काठमाडौं । सन् २०२२ मा बलिउडमा कैयौं नयाँ जोडीले फिल्मी पर्दामा आफ्नो अभिनयको जादु चलाउँदैछन् । तर यो वर्ष केही फरक के छ भने केही पुराना हिट जोडीले पनि पर्दामा कमव्याक गर्दैछन् ।
करीना कपूर खान र आमिर खानले ‘थ्री इडियट्स’ र ‘तलाश’ जस्ता फिल्ममा सँगै अभिनय गरे । अब यो जोडी अद्वैत चन्दनको फिल्म ‘लाल सिंह चड्डा’मा स्क्रिन शेयर गर्दै दर्शकमाझ आउँदैछन् । फिल्म यसै वर्षको अप्रिल १४ मा रिलिज हुनेछ ।
अभिनेता अक्षय कुमार र अभिनेत्री भूमि पेडनेरकले सन् २०१७ मा सोसियल ड्रामा फिल्म ‘ट्वाइलेटः एक प्रेम कथा’मा सँगै काम गरे । यो जोडी पाँच वर्षपछि आनन्द एल रायको फिल्म ‘रक्षाबन्धन’मा देखिँदैछन् । फिल्म अगष्ट ११ मा रिलिज हुँदैछ ।
अभिनेता कार्तिक आर्यन र अभिनेत्री सेननले सन् २०१९ को फिल्म ‘लुकाछिपी’मा रोमान्स गरेका थिए । यो जोडी फिल्म ‘शहजादा’मा पनि देखिँदैछन् । जसको सुटिङ दिल्लीमा भइरहेको छ ।
अभिनेत्री कृति सेननले सन् २०१४ मा रिलिज डेब्यू फिल्म ‘हीरोपन्ती’मा अभिनेता टाइगर श्राफसँग रोमान्स गरेकी थिइन् । उनीहरुको केमेष्ट्रीलाई दर्शकले निकै मनपराएका थिए । अब यो जोडी ‘गणपथ’मा देखिँदैछन् ।
अभिनेता शाहरुख खान अभिनेत्री दीपिका पादुकोणको डेब्यू फिल्म ‘ओम शान्ति ओम’ मा उनको को–स्टार थिए । यो फिल्मपछि उनीहरुले ‘चेन्नइ एक्सप्रेस’ र ‘ह्याप्पी न्यू ईयर’मा सहकार्य गरे । अब यो जोडी फिल्म ‘पठान’ मा देखिँदैछन् ।
प्रतिक्रिया