बुटवलमा मोटरसाइकल दुर्घटना हुँदा कलाकार पन्थको मृत्यु

बुटवल । बुटवलमा भएको मोटरसाइकल दुर्घटनामा कलाकार शोभाखर पन्थको मृत्यु भएको छ । बुटवलको योगिकुटीदेखी मगरघाटतर्फ जांदै गर्दा सडक र बिद्युत बिस्तारका लागि खनिएको खाल्डोमा परि उनको मृत्यु भएको लुम्बिनी प्रदेश ट्राफिक प्रहरी कार्यालय बुटवलले जनाएको छ ।

उनी सवार लु ७० प १३५३ मोटरसाइकल गएराती सडक र बिद्युत बिस्तारका लागि खनिएको खाल्डोमा खसेको र बिहान मर्निङ वाकमा हिड्ने स्थानीयले देखेपछि प्रहरीलाइ खबर गरेका थिए । उनलाइ आज बिहान प्रहरीले उद्धार गरेर अस्पताल पुर्याएको हो ।
फोटोग्राफर समेत रहेका गुल्मी छत्रकोट ३ निबासी पन्थ कलाक्षेत्रमा काम गर्दै आएका थिए । उनले दर्जनाैँ गीत छायाँकन तथा अभिनय समेत गरेका छन् ।

उनी हाल रुपन्देहीको सैनामैनामा बसोबास गर्दै आएका थिए । उनका १ श्रीमती र १ सन्तान छन् ।

उनको शव लुम्बिनी प्रादेशिक अस्पतालमा राखिएको लुम्बिनी प्रदेश ट्राफिक प्रहरी कार्यालय बुटवलले जनाएको छ ।