भैरहवा । भैरहवामा ‘द ग्राण्ड किचन’ सञ्चालनमा आएको छ । सिद्धार्थनगर नगरपालिका वडा नम्बर ७ स्थित जनकपथमा करिब डेढ करोडको लगानीमा होटल सञ्चालनमा आएको हो ।
होटलमा नेपाली, इण्डियन खानाका साथै २५ प्रकारको कफीको स्वाद लिन पाइने पत्रकार सम्मेलनमार्फत जानकारी गराइएको छ ।
भैरहवा क्षेत्रमा रहेका कर्पोरेट क्षेत्रलाई लक्षित गर्दै होम डेलीभरीको व्यवस्था समेत गरिएको द ग्राण्ड किचनका सञ्चालक उमेश आचार्यले बताए । पारिवारिक वातावरणमा विभिन्न परिकारका स्वादको आनन्द लिन सकिने उनले बताए ।
यसको साथै बालबालिकालाइ लक्षित गरि “किड्स मेनु”, हरेक शनिबार बिहानको नास्ता, हरेक शुक्रबार ” ह्यप्पी हावर” लगायतको सुविधाहरु ग्राहकले लिन सक्ने आचार्यले बताए । होटलमा हाल बिहान ११ बजेदेखि राती ९ बजेसम्म सेवा प्रदान गरिने उनले जानकारी दिए । होटलमा पुस्तकालयको समेत व्यवस्था गरिएको उनले बताए ।
त्यस्तै होटलमा शाकाहारी खाना २ सय ५०, चिकन खाना ३ सय ५० र मटन खाना ४ सय रुपैयाँ रहेको होटलका अर्का सञ्चालक राजु रिजालले बताए । होटलमा कन्फ्ररेन्स हलको समेत व्यवस्था रहेको रिजालले जानकारी दिए ।
यसको साथै यस क्षेत्रमा कार्यक्रम गर्नको लागि ५० जना सम्म अट्ने सभाहलको ब्यवस्था समेत रहेको अर्का सन्चालक राजु रिजालले जनाए ।
प्रतिक्रिया