काठमाडौं । हालै बजारमा आएको बिजबजार ई कमर्स प्लेटफर्मका लागि बागमती प्रदेशको आधिकारिक बिजनेश पार्टनरमा साइन्टिफिक विजनेश हव प्राली नियुक्त भएको छ ।
यस सम्बन्धी सम्झौता पत्रमा बिजबजार र साइन्टिफिक विजनेश हव प्रा.लि. बीच हालै हस्ताक्षर भएको छ । साइन्टिफिक विजनेश हव प्रालीले बिजबजारका लागि काठमाडौं, ललितपुर, भक्तपुर र काभ्रे जिल्लामा आधिकारिक बिजनेश पार्टनर भएर काम गर्नेछ ।
उक्त सम्झौता पत्रमा बिजबजारका तर्फबाट फ्रेन्चाइज डिस्ट्रिब्यूशन अफिसर चिन्तामणि शर्मा र साइन्टिफिक विजनेश हवका तर्फबाट प्रमुख कार्यकारी अधिकृत उत्सव ढकालले हस्ताक्षर गरेका छन् ।
बिजबजार इकमर्स प्लेट फर्म ‘जे चाहिन्छ, त्यो पाइन्छ’ भन्ने नाराका साथ हालसालै मात्र सञ्चालनमा आएको ईकमर्स प्लेटफर्म हो ।
ईकमर्स क्षेत्रमा साइन्टिफिक विजनेश हव प्रालीले बिजबजारको व्यापार विस्तार तथा व्यापारिक रणनीतिक साझेदारको रूपमा काम गर्ने छ । बिजबजारले देशका ७७ वटै जिल्लाहरूबाट आफ्नो सेवा प्रवाह गर्ने उद्देश्यका साथ सातै प्रदेशमा आफ्ना आधिकारिक बिजनेश पार्टनरहरु नियुक्त गरिसकेको छ ।
प्रतिक्रिया