लुम्बिनी विकास कोषको कोषाध्यक्षमा देवदहका सिद्धिचरण भट्टराई नियुक्त

काठमाडौं । लुम्बिनी विकास कोषको कोषाध्यक्षमा रुपन्देहीका ढुण्डीराज भट्टराई (सिद्धिचरण) नियुक्त भएका छन् ।

सोमबार बसेको मन्त्रिपरिषद बैठकले भट्टराईलाई कोषको कोषाध्यक्षमा नियुक्त गर्ने निर्णय गरेको हो ।

रुपन्देहीको देवदह स्थायी घर भएका भट्टराईले लुम्बिनी बौद्ध विश्वविद्यालयबाट एप्लाइड बुद्धिजममा स्नातकोत्तर गरेका छन् ।

उनी नेकपा एकीकृत समाजवादीका केन्द्रीय सदस्य एवं रुपन्देही सहइन्चार्ज हुन् । यसअघि उनले करिब ३ दशक मिडियामा क्रियाशिल रहेर काम गरेका थिए । उनको कार्यकाल ५ वर्षको हुनेछ ।