काठमाडौं । चारदेशीय टी-२० श्रृंखलाअन्तर्गत आज नेपालले यूएईसँग प्रतिस्पर्धा गर्न लागेको छ ।
ओमानको अल अमरेट क्रिकेट मैदानमा आज बिहान ११ः४५ बजे नेपाल र यूएईको खेल हुनेछ । नेपाली दोस्रो जितका लागि मैदानमा उत्रिनेछ ।
शुक्रबार भएको खेलमा नेपालले ओमानलाई ६ विकेटले पराजित गरेको थियो । नेपालका लागि दीपेन्द्रसिंह ऐरीले ७३ रन बनाएका थिए ।
यूएईसँग भएका तीन खेलमा नेपालले दुई जितेको छ भने एक हारेको छ । नेपालले अर्को खेल सोमबार आयरल्यान्डसँग खेल्नेछ ।
त्यसपछि आईसीसी पुरुष टी-२० विश्वकपको ग्लोबल छनोट खेल्नेछ । त्यसमा नेपालले क्यानाडा, फिलिपिन्स र ओमानसँग प्रतिस्पर्धा गर्नेछ ।
त्यसमा नेपालको पहिलो खेल १८ फेब्रुअरीमा ओमानसँग, १९ फेब्रुअरीमा फिलिपिन्ससँग र २१ फेब्रुअरीमा क्यानाडासँग खेल्नेछ ।
यो प्रतियोगिताबाट शीर्ष दुई टोलीले अष्ट्रेलियामा १६ अक्टोबरदेखि १३ नोभेम्बरसम्म हुने टी-२० विश्वकप खेल्न पाउनेछन् ।
प्रतिक्रिया