६ मंसिर २०८३, आइतबार | November 22, 2026

एमसीसी राष्ट्रभन्दा माथि हुन सक्दैन : मन्त्री पासाङ



खोटाङ । प्रदेश १ का खानेपानी, सिँचाई तथा उर्जा मन्त्री रामकुमार राई (पासाङ)ले मन्त्री राईले एमसीसी राष्ट्रभन्दा माथि हुन नसक्ने बताएका छन् । प्रेस सेन्टर नेपाल खोटाङले शुक्रबार दिक्तेलमा आयोजना गरेको पत्रकार सम्मेलनमा मन्त्री राईले राष्ट्र बच्यो भने मात्र सबथोक बच्ने भएकाले एमसीसी राष्ट्रभन्दा माथि हुन नसक्ने धारणा राखेका हुन् ।

मन्त्री राईले एमसीसी सम्झौताको विषय टुंग्याउन राष्ट्रिय सहमतीको आवश्यकता औंल्याएका छन् । ‘एमसीसी त्यत्ती सजिलै अगाडि बढ्छ जस्तो लाग्दैन, यसले राष्ट्रिय सहमती खोज्छ, संशोधन गर्नुपर्ने बुँदामा पुग्नु पर्छ । राष्ट्र बचाउनु छ, राष्ट्र बच्यो भने त पार्टी बच्छ, राष्ट्र छैन भने पार्टी कहाँ रहन्छ, राष्ट्र छैन भने हामी जनता कहाँ रहन्छौं ?,’ मन्त्री राईले भने, ‘राष्ट्र जोगाउनका लागि वहस छलफल भइरहेको छ, दृष्टिकोणहरु केही बाझिएको होला, आँखा चिम गरेर पास गर्नुपर्छ भन्ने पनि होईन । यसको समाधान राजनैतिक दले निकाल्छ र निकाल्नु पर्छ । राष्ट्रिय सहमती गरेरै जान पर्छ ।’

नवनिर्वाचित मन्त्री राईले वर्तमान सत्ता गठबन्धन सजिलै नटुट्ने दावी गरेका छन् । राष्ट्रिय स्वाधिनता र संविधान बचाउनलाई एकठाउँमा जुटेको गठबन्धन यती सजिलै टुट्न नसक्ने मन्त्री राईको दावी थियो । उनले वर्तमान गठबन्धनमाथि राष्ट्रियदेखि अन्र्तराष्ट्रिय शक्ति केन्द्रको गिद्धे नजर परिरहेको बताएका छन् । ‘हामी गठबन्धनलाई बचाउनु पर्छ भन्नेमैं छौँ । हामी अग्रगामी पार्टी राष्ट्रिय स्वाधिनता र संविधान बचाउनलाई जुटेका हौं,’ मन्त्री राईले भने, ‘यो सायद यती छिटै टुट्छ जस्तो लाग्दैन । टुट्यो भने राजनीतिक रुपमा नियोजित ढंगले टुट्न सक्छ । अन्तर्राष्ट्रिय शक्ती केन्द्रहरुको पनि गिद्धे नजर छ ।’

मन्त्री राईले तत्कालिन नेकपा छँदा एमसीसीलाई अध्ययन गरेर संशोधन बिना पास गर्न नसकिने धारणा बनेको चर्चा गरेका छन् । उनले प्रदेशको नामाकरण चाँडै टुंग्याउन पहल भइरहेको जानकारी दिए ।

प्रकाशित मिति : ७ फाल्गुन २०७८, शनिबार  ८ : ०८ बजे

Your email address will not be published.

प्रधानमन्त्रीको भारत भ्रमण : हवाई मार्ग खुल्ने आशमा लुम्बिनी

बुटवल । प्रधानमन्त्री वालेन्द्र शाहको भारत भ्रमणसँगै लुम्बिनी क्षेत्रमा नयाँ

प्रधानमन्त्री शाहसँग भारतीय विदेशमन्त्रीको शिष्टाचार भेट

नयाँदिल्ली । छिमेकी मित्रराष्ट्र भारतको दुईदिने राजकीय भ्रमणमा यहाँ रहेका

प्रधानमन्त्री शाह नयाँदिल्लीमा, राज्यमन्त्री जितिनद्वारा स्वागत

नयाँदिल्ली । प्रधानमन्त्री वालेन्द्र शाह दुईदिने राजकीय भ्रमणका लागि भारतको

प्रधानमन्त्री बालेन भारत प्रस्थान, लिएनन् सम्मान गारद

काठमाडौं । प्रधानमन्त्री बालेन्द्र शाह बालेन भारत प्रस्थान गरेका छन् ।

सामान्य रूपमा नयाँ दिल्ली प्रस्थान गर्दै प्रधानमन्त्री बालेन

काठमाडौं । प्रधानमन्त्री बालेन्द्र शाह बालेन आइतबार दिउँसो दुई दिने