नेपालगन्ज । बाँकेको कोहलपुर नगरपालिका–११ स्थित कोहलपुर चौराहामा ट्रक पल्टीदा च्यापिएर डियुटीमा खटिएकी प्रहरी कर्मचारीको मृत्यु भएको छ ।
मृत्यु हुनेमा प्रहरी चौकी खडैचा दरबन्दी भई हाल ईलाका प्रहरी कार्यालय बाँकेमा कार्यरत ३६ बर्षीया प्रहरी जवान कविता वि.सि रहेकी छन् ।
शम्सेरगंजबाट कौशिलानगर बाँके तर्फ जादै गरेको ना३ख ६४३६ नम्बरको ट्रक कोहलपुर चौराहमा मोड्ने क्रममा पल्टीदा बि.सि च्यापिएकी थिइन् ।
घाइते भएकी वि.सिको उपचारको क्रममा कोहलपुर स्थित नेपालगंज मेडिकल कलेजमा आइतबार राति सवा १० बजे मृत्यु भएको हो ।
सवारी दुर्घटना लगतै फरार भएका ट्रक चालकको खोजी भइरहेको छ ।
प्रतिक्रिया