काठमाडौं । सातौं नेपाल पाकिस्तान टी-२० क्रिकेट प्रतियोगिताको उपाधी आरएस विद्याथ क्रिकेट क्लबले हात पारेको छ ।
९ दिनसम्म जारी प्रतियोगिताको उपविजेता नेक्सस क्रिकेट क्लब बनेको छ । बिहीबार पाकिस्तानी राजदूतावासले प्रतियोगिताको समापन/पुरस्कार वितरण समारोह आयोजना गरेको छ ।
प्रतियोगितामा विभिन्न नेपाली क्रिकेट क्लबसहित १२ टोलीको सहभागिता रहेको थियो । समापन कार्यक्रममा भूमि व्यवस्था, सहकारी तथा गरिबी निवारण मन्त्रालयका सचिव रामप्रसाद थपलिया प्रमुख अतिथिका रुपमा उपस्थित थिए । कार्यक्रममा नेपालका लागि बंगलादेशका राजदूत सलाहुद्दिन नोमान चौधरी, नेपालका लागि श्रीलंकाका राजदूत हिमाली अरुणतिलाका र नेपाल क्रिकेट संघ क्यानका कोषाध्यक्ष रोशन सिंह रहेका थिए ।
समापन समारोहलाई सम्बोधन गर्दै सचिव थपलियाले नेपालका लागि पाकिस्तानी दूतावासले वार्षिक रुपमा क्रिकेट प्रतियोगिता आयोजना गर्ने गरेकोमा दूतावासले प्रशंसा गरे । उनले खेलकुद कार्यक्रमको माध्यममार्फत नेपाल र पाकिस्तानबीचको द्विपक्षीय सम्बन्धलाई अझ प्रगाढ बनाउने प्रचुर सम्भावना रहेको जिकिर गरे ।
कार्यक्रमलाई सम्बोधन गर्दै पाकिस्तानका राजदूत सैयद हैदर शाहले उनले प्रतियोगिता नेपाल र पाकिस्तानबीचको सौहार्दपूर्ण र मैत्रीपूर्ण सम्बन्धको प्रमाण भएको बताए । उनले दुई देशका युवाहरूलाई एक ठाउँमा ल्याउन र पाकिस्तान र नेपालबीचको जनस्तरको सम्पर्कलाई अझ मजबुत बनाउन यस्ता कार्यक्रमहरूलाई निरन्तरता दिने प्रतिबद्धता दोहो¥याए ।
प्रतिक्रिया