काठमाडौं । साफ च्याम्पियनसिपमा सहभागी हुन नेपाली यू-१८ महिला टोली आज भारत जाँदै छन ।
नेपाली टोली प्रिती राईको नेतृत्वमा भारत प्रस्थान गर्ने अखिल नेपाल फूटबल संघ (एन्फा)ले जनाएको छ । नेपाली टोलीको शुक्रबार एन्फाले विदाइ गरेको छ ।
उपाधि जित्ने लक्ष्यसहित भारत जान लागेको कप्तान राईले बताइन् । अहिलेको नेपाली टोली राम्रो रहेको उनको भनाइ थियो ।
डबल राउन्ड रोबिनको आधारमा हुने च्याम्पियनसिपको उद्घाटन खेलमा नेपालले आयोजक भारतको सामना गर्नेछ । नेपाल र भारतबीचको खेल मार्च १५ मा हुनेछ ।
त्यस्तै, दोस्रो खेलमा नेपाल मार्च १७ मा बंगलादेशसँग भिड्नेछ । त्यस्तै, मार्च २१ मा भारतसँग दोस्रो खेल र मार्च २३ मा बंगलादेशसँग दोस्रो खेल खेल्नेछ ।
प्रतिक्रिया