बुटवल । संचारिका समूह लुम्बिनीको अध्यक्षमा अमृता अनमोल सर्वसम्मत निर्वाचित भएकी छिन् ।
बुटवलमा शनिबार आयोजित समूहको तेस्रो साधारणसभा एवं प्रथम अधिवेशनले उपाध्यक्षमा रुपा गहतराज (बाँके), महासचिब मेनकाकुमारी चौधरी (बर्दिया), सचिव माया केसी(रुपन्देही) र कोषाध्यक्ष उषाकिरण पन्त (रुपन्देही) चयन भएका छन् । यस्तै सदस्यहरुमा गीता ज्ञवाली, रेनुका गिरी, रञ्जीता अधिकारी, लक्ष्मी तिमिल्सेना, अनिता खत्री, विष्णु खनाल, सरिता चौधरी र रिया बस्नेत लगायत चयन भएका छन् ।
समूहको साधारण सभाको उद्घाटन कार्यक्रममा ५ जना अगुवा महिलालाई सम्मानित गरिएको थियो । जसमा रासस दाङकी संवाददाता नारायणी रजौरेलाई संघर्षशील पत्रकारिता पुरस्कार २०७८ बाट पुरस्कृत गरिएको छ भने कानुन महिलाबालबालिका तथा ज्येष्ठ नागरिक मन्त्री रमा घर्तीलाई संघर्षशील महिला नेताका रुपमा सम्मानित गरिएको थियो । यस्तै समूहले रुपन्देहीका उद्यमी रचना पन्त, सावित्रा टण्डन र मन्जु ज्ञवाली भुसाललाई संघर्षशील महिला उद्यमीका रुपमा सम्मानित गरेको छ ।
उद्घाटन सत्रमा बोल्दै मन्त्री रमा घर्तीले महिला पत्रकारहरुको क्षमताअभिवृद्धि र प्रोत्साहनका लागि सहयोग गर्ने प्रतिबद्धता जनाइन् । उनले सत्य तथ्य र खोजी समाचारकालागि पत्रकार महिलाहरु मेहनती भएर लाग्न सुझाब दिइन् ।
संविधान सभा सदस्य विनोद पहाडीले पत्रकार महिलाहरुको संघर्षलाई समाजको सहयोग रहेको बताए । कार्यक्रममा पत्रकार महासंघ नेपालका केन्द्रीय सदस्य भवानीप्रसाद पाण्डे, प्रदेश महासचिव विक्रम खड्का, पत्रकार महासंघ रुपन्देहीका अध्यक्ष रामराज पोखरेल, लगायतले शुभकामना व्यक्त गरेका थिए ।
प्रतिक्रिया