काठमाडौं । डा. बाबुराम भट्टराईको फ्यान बन्दै राजनीतिमा प्रवेश गरेकी अभिनेत्री करिश्मा मानन्धर डा. भट्टराईलाई छाडेर आजबाट केपी ओली तर्फ लाग्ने भएकी छिन् । आज मध्यान्ह एमाले अध्यक्ष केपी ओलीले अभिनेत्री मानन्धरलाई एमाले भित्राउने पक्का भएको छ । केही महिना अघि ओलीले मोबाईलमा फोन गरेर हालखबर सोधपछि ओलीका प्रशंशक बनेकी मानन्धर अन्ततः आज एमाले नै प्रवेश गर्न लागेकी हुन् ।
मानन्धरसँगै पूर्वमन्त्री प्रेमबहादुर सिंहको नेतृत्वको समाजवादी जनता पार्टी पनि मंगलबारबाटै एमालेमा समाहित हुने कार्यक्रम रहेको एमाले नेता विष्णु रिजालले जनाएका छन् । दिउँसो १ बजे पार्टी केन्द्रीय कार्यालयमा अध्यक्ष केपी शर्मा ओलीको उपस्थितिमा पार्टी प्रवेश गर्ने कार्यक्रम हुने रिजालले जानकारी दिए ।
यसअघि मानन्धरले नेपालमा डा. बाबुराम भट्टराई जस्तो नेता अरु नभएको भन्दै भट्टराई नेतृत्वको नयाँ शक्ति पार्टीमा सक्रिय भएर काम गरेकी थिईन् । संघीय समाजवादी पार्टीमा समेत करिश्मा छोटो समय सक्रिय देखिएपनि ओलीको मोबाईल फोन पछि उनी निश्क्रिय जस्तै बनेकी थिइन् ।
प्रतिक्रिया