काठमाडौं । नेपाल भ्रमणमा रहेका चिनियाँ विदेशमन्त्री वाङ यी र नेकपा एमालेका अध्यक्ष केपी शर्मा ओलीबीच भेटवार्ता भएको छ ।
काठमाडौंको नक्शालस्थित होटल मेरियटमा आइतबार बिहान दुई नेताबीच भेटवार्ता भएको हो । चिनियाँ विदेशमन्त्री वाङलाई भेट्न ओली होटल पुगेका थिए ।
भेटवार्तामा एमाले अध्यक्ष ओलीसहित वरिष्ठ उपाध्यक्ष ईश्वर पोखरेल, महासचिव शंकर पोखरेल, एमाले विदेश विभाग प्रमुख डा. राजन भट्टराई लगायतका नेताहरु सहभागी रहेका छन् ।
ओलीलाई भेटेपछि विदेशमन्त्री वाङले माओवादी केन्द्रका अध्यक्ष पुष्पकमल दाहाल प्रचण्डलाई भेट्दैछन् ।
तीन दिने नेपाल भ्रमणका त्रक्रममा भारतहुँदै चैत ११ गते काठमाडौं आएका वाङ आजै स्वदेश फर्किंदैछन् ।
प्रतिक्रिया